ⵜⵉⵙⵓⵎⴰⵔ ⴷ ⵉⵙⵏⵜⵉⵏ ⵏ ⵓⵍⵓⴳⵏ ⵅⴼ ⵓⵙⵡⵓⴷⴷⵓ ⵏ ⵓⵣⵡⵍ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ

ⵜⵓⵛⴰ ⵜⵎⵏⴹⴰⵡⵜ ⵜⴰⵎⴰⵢⵏⵓⵜ ⴰⵜⵉⴳ ⵉ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵜⵙⵙⴰⵖⵓⵍ ⵜⵜ ⵜⴳⴰ ⵜⵓⵜⵍⴰⵢⵜ ⵜⵓⵏⵚⵉⴱⵜ ⵏ ⵓⵡⴰⵏⴽ ⵜⴰⵎⴰ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ. ⴰⵢⴰ ⴷ ⵉⵎⵓⵏ ⴷ ⵜⵉⵏⴰⵡⵉⵏ ⵜⵉⴳⵍⴷⴰⵜⵉⵏ.. ⵣⵓⵏⴷ ⵜⵉⵏⴰⵡⵜ ⵏ ⵓⵊⴷⵉⵔ ⴳ ⵓⵙⴳⴳⵯⴰⵙ ⵏ 2001, ⴷ ⵉⵙⵓⵜⵓⵔⵏ ⵏ ⵎⵏⵏⴰⵡ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴷ ⵡⴰⵎⵓⵏ ⵓⵖⵔⵉⵎ, ⴷ ⵓⵣⴱⵓⵔⵣ ⵏ ⵜⵡⵓⵔⵉⵡⵉⵏ ⵜⵉⵎⴰⵙⵙⴰⵏⵉⵏ ⴷ ⵜⵉⵏ ⵓⵏⵍⵍⵉ ⴳⴳⵓⵜⵏⵉⵏ ⴳ ⵢⵉⴳⵔ ⵏ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ. ⵃⵎⴰ ⴰⴷ ⵢⵉⵍⵉ ⵓⵣⵓⴳⴳⵣ ⵏ ⵜⵓⵎⴰⵢⵉⵏ ⵏ ⵜⵎⵏⴹⴰⵡⵜ ⵉⵍⵍⴰⵏ ⴳ ⵓⵎⴰⴳⵔⴰⴷ ⵡⵉⵙⵙ ⵙⵎⵎⵓⵙ, ⴽⵉⴳⴰⵏ ⵏ ⵜⵎⵔⵙⴰⵍ, ⵏⵏⴰ ⴳ ⵢⴰⵎⵓ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴷ ⵎⵏⵏⴰⵡ ⵜⵎⴰⴷⴷⴰⵙⵉⵏ ⴷ ⵉⵎⵙⵎⵓⵙⵙⵓⵜⵏ ⵉⴷⵍⵙⴰⵏⵏ ⵏ ⵜⵎⴰⵣⵉⵖⵜ, ⵙⵎⵏⵉⴷⵏ

ⵉⵙⵏⵜⵉⵏ ⵉⵙⵍⴳⴰⵏⵏ ⴷ ⵜⵙⵓⵎⴰⵔ ⵏ ⵜⵡⵏⴳⵉⵎⵉⵏ ⴰⴼⴰⴷ ⴰⴷ ⴼⵍⵍⴰⵙⵏ ⵢⵉⵍⵉ ⵓⵎⵙⴳⴷⴰⵍ ⴰⴳⵯⵏⵙ ⵏ ⵜⵎⵔⵙⵍⵜ ⵏ ⵓⵙⵓⵔⵙ ⵏ ⵓⵣⵔⴼ, ⵢⵉⵍⵉ ⴰⵡⴷ ⵓⵎⵙⴳⴷⴰⵍ ⴰⴳⴷⵓⴷⴰⵏ. ⵙ ⵓⵣⵎⵣⵣⵓ ⵏ 1 ⵢⵓⵍⵢⵓⵣ 2014, ⵉⵙⵓⵎⵔ ⵓⵙⵉⵏⴰⴳ ⴰⴷ ⵉⵙⴱⵔⵔⴽ ⵢⴰⵏ ⵓⵎⵙⴳⴷⴰⵍ ⵅⴼ ⵜⴰⵏⵏⴰⵢⵉⵏ ⵉⵍⵍⴰⵏ, ⴰⵡⵜⵜⴰⵙ ⵏⵏⵙ ⴰⴷ ⵉⵙⴼⵔⴽ ⵅⴼ ⵉⵙ ⵉⵍⴰⵇ ⴰⴷ ⴷ ⴼⴼⵖⵏ ⵉⵙⵍⴳⵏⵏ ⵉⵟⵟⴼⵏ ⵙ ⵓⵣⵎⵣⵣⵓ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵓⵜⵍⴰⵢⵉⵏ ⴷ ⵜⵓⵙⵙⵏⴰ

ⵜⴰⵎⵖⵔⴰⴱⵉⵢⵜ ⴷ ⵜⵎⵙⴽⴰⵔⵜ ⵏ ⵡⴰⴷⴷⴰⴷ ⵓⵏⵚⵉⴱ ⵏ ⵜⵎⴰⵣⵉⵖⵜ. ⴳ ⵓⵎⵏⴰⴹ ⴰⴷ ⴰⵎⴰⵜⴰⵢ, ⴳ ⵓⴱⵔⵉⴷ ⵏ ⵜⵖⴰⵔⴰⵙⵜ ⵉⵙⵙⵓⵎⵓⵏ, ⴷ ⵓⵎⵙⴳⴷⴰⵍ ⴷ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵉⵜⵜⴰⵡⵉⵏ ⵜⵉⵎⴰⵟⵟⴰⴼⵉⵏ ⵥⵉⵍⵏⵉⵏ ⵙ ⵉⵚⴽⵉ ⵏ ⵜⵎⵔⵙⴰⵍ ⵜⵉⵎⵏⴹⴰⵡⵉⵏ, ⴰⵔ ⵉⵙⵏⵎⴰⵍⴰ ⵓⵙⵉⵏⴰⴳ, ⴰⵙⵙ ⵏ 4 ⵢⵓⵍⵢⵓⵣ 2014, ⵢⴰⵜ ⵜⵉⵏⴰⵡⵜ ⵅⴼ ⵜⵙⵓⵎⴰⵔ ⵏ ⵉⵙⵏⵜⵉⵏ ⵉⵙⵍⴳⴰⵏⵏ ⵉⵥⵍⵉⵏ ⵙ ⵓⵣⵓⴳⴳⵣ ⵏ ⵡⴰⴷⴷⴰⴷ ⵓⵏⵚⵉⴱ ⵏ ⵜⵎⴰⵣⵉⵖⵜ. ⴰⵡⵜⵜⴰⵙ ⵏⵏⵙ ⴳ ⵜⵙⵇⵇⴰⵢⵎⵓⵜ ⴰⴷ, ⴰⴷ ⵉⵔⵕⵥⵎ ⴰⵙⴰⵢⵙ ⵏ ⵓⵙⵡⵉⵏⴳⵎ ⵅⴼ ⵉⴼⴳⴳⴰⴳⵏ ⵏ ⵜⵙⵔⵜⵉⵜ ⵜⴰⵙⵏⵉⵍⵙⵜ ⴷ ⵜⴷⵍⵙⴰⵏⵜ ⴷ ⵜⵓⵎⴰⵢⵉⵏ ⵏ ⵉⵙⵍⴳⵏⵏ ⵉⵙⵏⵎⴰⵍⴰⵢⵏ ⴷ ⵓⵏⴰⵎⴽ ⵏ ⵓⵙⵉⴷⴼ ⵏ ⵜⵎⴰⵣⵉⵖⵜ ⴷ ⵓⵙⴽⵛⵎ ⵏⵏⵙ ⴳ ⵜⵎⵔⵙⴰⵍ ⴷ ⵜⴷⵔⴰⵡⵜ ⵏ ⵡⴰⵎⵓⵏ ⵓⵖⵔⵉⵎ ⴷ ⵜⵓⴼⵔⵉⵏⵜ ⵜⴰⵙⵔⵜⴰⵏⵜ ⴷ ⵜⵉⵏ ⵓⵏⵍⵍⵉ ⴳ ⵢⵉⴳⵔ ⴰⴷ ⴰⵏⴰⵎⵓⵔ.

ⴰⵖⴰⵡⴰⵙ

ⴰⵙⵎⵓⵙⵙⵓ: ⵎⵃⴰⵎⵎⴷ ⵚⴰⵍⵍⵓ

ⵉⵎⴷⵔⴰⵡⵏ :

-ⴰⵎⴰⵔⵉ ⵏ ⵓⵥⵟⵟⴰ ⴰⵎⴰⵣⵉⵖ ⵏ ⵜⵎⵓⵔⵉ ;

-ⴰⵎⴰⵔⵉ ⵏ ⵓⴳⵔⴰⵡ ⵏ ⵍⵎⵖⵔⵉⴱ ⴳ ⵉⵙⵉⴳⴳⵍ ⴷ ⵉⵙⵏⵉⴼⵉⵍⵏ ⵏ ⵜⵓⵙⵙⵏⴰ: ⵚⴰⴼⵉ

ⵎⵓⵎⵏ ⵄⵍⵉ;

-ⵎⴰⵙⵙ ⵍⵃⵓⵙⵙⴰⵢⵏ ⵍⵎⵉⵍⴽⵉ ;

-ⵎⴰⵙⵙ ⵄⵍⵉ ⴽⴰⵔⵉⵎⵉ

-ⵎⴰⵙⵙ ⵎⵉⵎⵓⵏ ⴰⵛⵕⵇⵉ ;

-ⵎⴰⵙⵙ ⵎⵓⵃⵎⵎⴷ ⴱⵏ ⵄⴱⴷⵍⵇⴰⴷⵔ